Plantun de Prouvènço

Pèr coumpara dos planto d'encò nostre

Valerianella echinata & Campanula rotundifolia subsp. rotundifolia

Douceto(-banarudo)

Valerianella echinata

Caprifoliaceae Valerianaceae

Àutri noum : Grasseto, Greisseto.

Noms en français : Doucette à piquants, Mâche à piquants.

Descripcioun :
Aquesto douceto èi devengudo proun raro au nostro. Trachis dins li champ de culturo subretout mena en bioulougico qu'èi vengudo i'a de milo an emé lou blad (arqueoufito). Se recounèis eisadamen, qu'èi pas toujour lou cas dins aquesto famiho, emé si fru di tres bano (fotò) .

Usanço :
S'acampo en rouseto e se manjo coume ensalado champanello.

Port : Erbo
Taio : 15 à 80 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Valerianella
Famiho : Caprifoliaceae
Famiho classico : Valerianaceae

Ordre : Dipsacales

Coulour de la flour : Blanco
Petalo : 5
Ø (o loungour) flour : 1 à 2 mm
Flourido : Printèms

Sòu : Ca
Autour basso e auto : 0 à 1200 m
Aparado : Vo
Remarco : Ensalado champanello
Abriéu à jun

Liò : Champ - Meissoun - Ermas
Estànci : Termoumediterran à Mountagnard
Couroulougi : Estenoumediterrano
Ref. sc. : Valerianella echinata (L.) DC., 1805

Campaneto(-di-fueio-redouno)

Campanula rotundifolia subsp. rotundifolia

Campanulaceae

Autre noum : Campanello(-di-fueio-redouno).

Nom en français : Campanule à feuilles rondes.

Descripcioun :
Aquesto campaneto èi coumuno en mountagno. A dos meno de fueio, aquéli d'en bas (pas toujour aqui quouro flouris) soun redouno emé un pecou, e li d'en aut primo. La subsp. rotundifolia, que trachis dins li tepiero roucaiouso e li esboudèu, a uno racino mai primo que la subsp. rotundifolia de basso Prouvènço.

Usanço :
Es uno planto manjadisso. La racino sèmblo apasima li doulour.